दिउसो २.३० बजे बस्ने भनिएको प्रतिनिधि सभाको बैठक अझै सुरु हुन सकेन

काठमाडौ- भिजिट भिषा प्रकरणमा गृहमन्त्री रमेश लेखककको राजीनामा माग्दै प्रतिपक्षी दलहरुले प्रतिनिधि सभा बैठक अवरुद्ध गरेपछि दिउसो २. ३० बजे बस्ने गरि तय गरिएको प्रतिनधि सभा बैठक अझै सुरु हुन सकेको छैन ।

यस अघि आजको बैठकमा गृहमन्त्रीको राजीनामा माग्दै प्रतिपक्षी दलले संसदको बैठक अवरुध्द पारे पछि सभामुखले आधा घण्टाको लागी संसद बैठक स्थगित गर्नु भएको छ ।

सभामुखले संसद बैठक सुरू गर्नासाथ सबै प्रतिपक्षी दलका सांसदले उठेर विरोध जनाएका थिए । त्यसपछि सभामुख घिमिरेले माओवादी केन्द्रका सांसद वर्षमान पुनलाई बोल्ने समय दिनुभयो ।

सांसद पुनले यो हप्ताभर सार्वजनिक सञ्चारमाध्यममा त्रिभुवन अन्तराष्ट्रिय विमानस्थल अध्यागमनमा ‘भिजिट भिसा’मा भ्रष्टाचार भएको चर्चा चलेको उल्लेख गर्नुहुँदै मुख्य आरोपी सहसचिव तीर्थराज भट्टराईलाई गृहमन्त्रीले नै त्यहाँ पठाएको आरोप लगाउँदै त्यस विषयमा निष्पक्ष अनुसन्धान हुनुपर्ने माग गर्नु भयो ।संसद बैठक सुचारु गर्न अहिले प्रयास भइरहेको संसद सचिवालयले जनाएको छ।