इलाम जिल्लालाई ३ महिनाका लागि संकटग्रस्त क्षेत्र घोषणा गर्ने निर्णय

काठमाडौँ- सरकारले इलाम जिल्लालाई ३ महिनाको लागि संकटग्रस्त क्षेत्र घोषणा गरेको छ ।

प्रधानमन्त्री तथा मन्त्रिपरिषद्को कार्यालयमा आज बसेको मन्त्रिपरिषद् बैठकले यही असोज १७ गते देखी २० गतेसम्म परेको भारी बर्षाबाट पुगेको क्षतिको कारण इलाम जिल्लालाई संकटग्रस्त क्षेत्र घोषणा गर्ने निर्णय गरेको हो ।

त्यसैगरी बैठकले भूमि समस्या समाधान आयोग गठन आदेश-२०८१ बमोजिम गठित भूमि समस्या समाधान आयोग र आयोगका सबै जिल्ला तहका संरचना खारेज गरेको सरकारका प्रवक्ता एवं सञ्चार तथा सूचना प्रविधिमन्त्री जगदीश खरेलले जानकारी दिनुभयो ।

यसैगरी, मन्त्रीपरिषदको बैठकले नेपाल विद्युत प्राधिकरणको जलविद्युत आयोजना निर्माण गर्न श्रोत व्यवस्थापनको लागि २० अर्व रुपैयाको उर्जाबण्ड चरणबद्ध रुपमा निष्कासन गर्न स्वीकृति प्रदान गरेको छ ।

त्यसैगरी प्रहरी नायव महानिरिक्षकहरु सुशीलसिंह राठौर, उमाप्रसाद चतुर्वेदी, हिमालयन कुमार श्रेष्ठ र डम्बर बहादुर बिकलाई नेपाल प्रहरीको अतिरिक्त प्रहरी महानिरिक्षक पदमा बढुवा गर्ने निर्णय पनि मन्त्रिपरिषदको बैठकले गरेको छ।।