७००० जनाको परीक्षण गर्दा ७२२ जना कोरोना संक्रमित

काठमाडौं– नेपालमा आज थप ७२२ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ७००० जनाको पीसीआर परीक्षणमा ७२२ जनामा संक्रमण पुष्टि भएको हो ।

गत २४ घण्टामा ९६६ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ४५ हजार ७ सय ९ जना छन् । नेपालमा निको हुने दर ९६ दशमलव ३ प्रतिशत रहेको छ ।

कोरोना संक्रमणबाट थप ३ जनाको मृत्यु भएको छ । अहिलेसम्म मृत्यु हुनेको संख्या १७९८ रहेको छ ।

गत २४ घण्टामा काठमाडौं उपत्यकामा ३६५ जना संक्रमित भएका छन् । तीमध्ये काठमाडौंमा ३००, भक्तपुरमा २३ र ललितपुरमा ४२ जना संक्रमित थपिए ।