२४ घण्टामा ५२२ जना कोरोना संक्रमित

काठमाडौं– नेपालमा आज थप ५२२ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ४५५१ जनाको गरिएको पीसीआर परीक्षणमा ५२२ जनामा संक्रमण पुष्टि भएको हो ।

गत २४ घण्टामा ५७८ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ५५ हजार ६ सय ६६ जना छन् । नेपालमा निको हुने दर ९७ दशमलव ३ प्रतिशत रहेको छ ।

कोरोना संक्रमणबाट थप ८ जनाको मृत्यु भएको छ । अहिलेसम्म मृत्यु हुनेको संख्या १८९३ रहेको छ ।

गत २४ घण्टामा काठमाडौं उपत्यकामा २३२ जना संक्रमित भएका छन् । तीमध्ये काठमाडौंमा १७१, भक्तपुरमा ८ र ललितपुरमा ५३ जना संक्रमित थपिए ।