नयाँ वर्षको अवसरमा मन्दिर तथा पर्यटकीय क्षेत्रहरुमा मानिसहरुको घुइँचो

काठमाडौँ- नयाँ बर्षको पहिलो दिन विभिन्न मन्दिर एवम पर्यटकीय स्थलहरुमा चहलपहल एवम् भिडभाड देखिएको छ ।

देशभरका धार्मिक स्थलहरुमा भक्तजनहरुको विहानैदेखि घुइँचो लागेको छ। यसैगरी, विभिन्न पर्यटकीय ठाउँहरुमा पनि मानिसहरु नयाँ बर्ष मनाउन भेला भएका छन ।

पार्क र खुला चौरमा मानिसहरु पिकनिक खान भेला भएका छन ।

यसैगरी, आज बैशाख १ गते नयाँ वर्ष अर्थात बिशु पर्वले सुदूरपश्चिम प्रदेश, कर्णाली लगायत भारतको उत्तराखण्डमा छुट्टै रौनक छाएको छ ।

नयाँ वर्षको पहिलो दिनलाई यस क्षेत्रमा बिसु पर्वका रूपमा मनाउने चलन छ । बिसु पर्व मनाउन यहाँका गाउँबस्तीमा बाहिर गएकाहरू घर फर्कने चलन छ ।।