मन्त्रिपरिषद् विस्तारबारे बालुवाटारमा सत्ता गठबन्धनको बैठकमा छलफल

काठमाडौं– प्रधानमन्त्री शेरबहादुर देउवाले मन्त्रिपरिषद् विस्तारलगायतका विषयमा छलफल सुरु गर्नुभएको छ ।

प्रधानमन्त्रीले सोमबार बिहान प्रधानमन्त्री निवास बालुवाटारमा सत्ता गठबन्धन दलको बैठक बोलाउनुभएको छ । बैठक मन्त्रिपरिषदलाई पूर्णता दिने लगायतका विषयमा केन्द्रित रहेको थियो ।

बैठकमा प्रधानमन्त्री देउवासहित कांग्रेस वरिष्ठ नेता रामचन्द्र पौडेल, कृष्णप्रसाद सिटौला, पूर्णबहादुर खड्का, माओवादी केन्द्रबाट अध्यक्ष पुष्पकमल दाहाल प्रचण्ड र नारायणकाजी श्रेष्ठ, एकीकृत समाजवादीका अध्यक्ष माधवकुमार नेपाल र नेता बेदुराम भुसाल, जसपा अध्यक्ष उपेन्द्र यादव र डा बाबुराम भट्टराईलगायत सहभागी हुनुभएको थियो ।