निर्वाचनमा नेपाल टेलिभिजनले राष्ट्रिय दायित्वको भूमिका निर्वाह गर्छ- कार्यकारी अध्यक्ष शाह

काठमाडौँ- बडा दशैं-२०७९ को उपलक्ष्यमा नेपाल टेलिभिजनले आज संस्थानभित्र शुभकामना आदान-प्रदान तथा चियापान कार्यक्रमको आयोजना गर्‍यो ।

सिंदरवारस्थित संस्थानको कार्यालय परिसरमा भएको छोटो कार्यक्रममा संस्थानका अध्यक्ष समीर जंग शाहले एउटै थलोबाट एक-आपसमा शुभकामना बाँड्न कार्यक्रमको आयोजना गरिएको बताउनुभयो ।

नेपालटिभीअनलाइनसँग संक्षिप्त कुरा गर्दै अध्यक्ष शाहले नेपाल टेलिभिजनको साख र छविलाई अझ उचाइमा पुर्‍याउन नेपाल टेलिभिजनका संचारकर्मी र कर्मचारीहरुको मनोबल उच्च बनाइराख्ने प्रतिवद्दता व्यक्त गर्नुभयो । अध्यक्ष शाहले आगामी मंसिर ४ गते हुनगइरहेको आम निर्वाचनमा नेपाल टेलिभिजनले राष्ट्रिय दायित्वको रुपमा भूमिका निर्वाह गर्ने पनि उल्लेख गर्नुभयो ।।