पहिरोले तानसेन-तम्घास सडकखण्ड अवरुद्ध 

पाल्पा- अविरल वर्षाले तानसेन–रिडी-तम्घास सडकखण्डको जोर्ते नजिकै पहिरो खस्दा बिहीबार बिहानैदेखि सडक अवरुद्ध भएको छ ।

रिब्दीकोट–२, खस्यौलीको जोर्ते क्षेत्रमा पहिरो खसेको कारण सडक अबरुद्ध बनेको जिल्ला प्रहरी कार्यालय पाल्पाले जनाएको छ ।

जोर्ते बजार नजिकैको सडक चौडा गरेको स्थानमा डाँडै खसेपछि सडक अबरुद्ध बनेको हो ।

सडकमा खसेको पहिरो हटाउन सडक डिभिजन कार्यालयको डोजर ल्याउने काम भइरहेको पाल्पाका प्रहरी नायव उपरीक्षक वीरेन्द्र थापाले जानकारी दिनुभयो ।

अबिरल वर्षाका कारण पहिरो हटाउन समस्या भइरहेको प्रहरीले जनाएको छ । सडक अवरुद्ध हुँदा गुल्मी, बाग्लुङ, अर्घाखाँची, पाल्पा, बुटवलका यात्रुहरु अलपत्र परेका छन् ।।