पाल्पाको सर्देवामा टिप्पर दुर्घटना, आठ घाइते 

पाल्पा- पाल्पाको सर्देवामा टिप्पर दुर्घटना हुँदा आठ जना घाइते भएका छन् । लु २ ख ३५४० नम्वरको टिप्पर पल्टिंदा टिप्परका चार र बाटोमा हिडेका चार जनालाई टिपरले ठक्कर दिँदा ८ जना घाइते भएको प्रहरीले जनाएको छ ।

पाल्पाका प्रहरी प्रवक्ता वीरेन्द्र थापाका अनुसार रैनादेवी छहरा -२, सोमादीको भर्लेमा भएको दुर्घटनाका घाइतेलाई पाल्पा सदरमुकाम तानसेन पठाइएको छ। घाइतेमध्ये एक जना गम्भीर रहेको प्रहरीले जनाएको छ ।

शिद्देश्वरस्थित चुनढुंगा खानीबाट सर्देवाबाट आउँदै गरेको टिप्परले बाटोमा हिडेका चार जना विधार्थीलाई ठक्कर दिएको प्रहरीले जनाएको छ । टिप्परले ठक्करले घर, आँगन र शौचालयमा क्षति पुगेको प्रहरीले जनाएको छ ।-