नौ किलो चरेस सहित एक जना पक्राउ

कैलाली- कैलालीको अत्तरियाबाट ९ किलो चरेससहित एकजना पक्राउ परेका छन् । गोदावरी नगरपालिका–२ बसपार्कमा कलक जप्रेलले संचालन गरेको नबिन होटलबाट चरेस सहित बझाङ दुर्गाथली गाउँपालिका–७ काँडाका ३६ बर्षीय यम राज दौल्याल पक्राउ परेका हुन ।

उनलाई होटलको १०१ नम्बर कोठाबाट सादा पोसाकमा खटिएका प्रहरीले पक्राउ गरिएको जिल्ला प्रहरी कार्यालय कैलालीले जनाएको छ । पक्राउ परेका दौत्यालको साथबाट चरेश जस्तो देखिने कालो बस्तु कट्टासहित ९ किलो ३४० ग्राम बरामद गरिएको प्रहरीले जनाएको छ ।-