बझाङमा जेसिवि दुर्घटना हुँदा चालकको मुत्यु

बझाङ- बझाङको जयपृथ्वी नगरपालिकाको जेसिबि दुर्घटना हुँदा चालकको मुत्यु भएको छ । हिजो राती करिब सवा नौ बजेको समयमा सिमखेतस्थित पुरानो बसपार्क नजिकै सु.प.प्र. २४५३ नम्बरको जेसिवी दुर्घटना भएको हो । उक्त जेसिवि जयपृथ्वी नगरपालिकाको हो ।

जेसिवी दुर्घटनामा परी बित्थडचिर गाउँपालिका-६ घर भएका ३० वर्षीय चालक प्रकाश कठायतको घटनास्थलमै मृत्यु भएको जिल्ला प्रहरी कार्यालय बझाङले जनाएको छ ।

जेसिवी बसपार्कबाट जयपृथ्वी नगरपालिका कार्यालयतर्फ जाँदै गर्दा सडकखण्डबाट २० मिटर तल खसेको र चालकको सिटमुनि च्यापिन गई घटनास्थलमै मृत्यु भएको प्रहरीले बताएको छ । अहिले मृतक कठायतको शव पोस्टमार्टमका लागि जिल्ला अस्पताल लगिएको छ ।