मोटरसाइकल दुर्घटनामा एक जनाको मृत्यु

पाल्पा- पाल्पामा मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा रम्भा गाउँपालिका १ असेर्दी बस्ने २८ वर्षीय हेमन्त घर्ती रहेको प्रहरीले जनाएको छ ।

हिजो बेलुका रम्भा १ को भुमरमा भएको दुर्घटनामा उनको घटनास्थलमै मृत्यु भएको जिल्ला प्रहरी कार्यालय पाल्पाका सूचना अधिकारी श्रीराम भट्टले जानकारी दिनुभयो ।

कालीगण्डकी करिडोर अन्तर्गत पिपलडाडादेखि हुगीतर्फ जाँदै गरेको ग १४ प ३७५ नम्बरको मोटरसाइकल सडकदेखि करिब दुई सय मिटर तल कालीगण्डकी किनारमा खसेर दुर्घटना भएको प्रहरीले जनाएको छ ।

मोटरसाइकलका चालक रहेका मृतकको शवलाई पोस्टमार्टम गर्न रामपुर अस्पतालमा पठाइ घटनाबारे थप अनुसन्धान जारी रहेको पाल्पा प्रहरीले जनाएको छ ।