गैंडाको आक्रमणबाट एक जना घाईते

नवलपरासी पूर्व- नवलपरासी पूर्वको लोकाहामा गैंडाको आक्रमणबाट एक महिला घाइते भएकी छन् ।

जिल्ला प्रहरी कार्यालयका अनुसार देवचुली नगरपालिका वडा नम्बर १० लोकाहा खोला किनारमा बाख्रा चराउन गएकी स्थानीय ६० वर्षकी ठगिसरा सुनारी मगर गैंडाको आक्रमणबाट घाइते भएकी हुन् ।

उनको ढाड र खुट्टामा चोट लागेको छ । घाइते ठगिसराको देवचुली अस्पतालमा उपचार भइरहेको प्रहरीले जनाएको छ ।