केजरीवालको गिरफ्तारी प्रजातन्त्रमाथिको प्रहार: भारतीय विपक्षी दल

भारतको नयाँदिल्लीका मुख्यमन्त्री तथा आम आदमी पार्टी (आप)का राष्ट्रिय संयोजक अरविन्द केजरीवाललाई पक्राउ गरिएकोप्रति भारतका विपक्षी दलहरुले कडा आलोचना गरेका छन् ।

मदिरा नीति मुद्दा सम्बन्धमा सोधपुछका उहाँलाई पक्राउ गरिएको समाचार छ । अन्तःशुल्क नीति मामिलामा प्रवर्तन निर्देशनालय, इडीले गिरफ्तार गरेको स्रोतहरूले बताएका छन् ।

तर केजरीवालले भने आफूले कुनै गलत काम नगरेको र आफ्नो गल्ती साबीत गर्न चुनौती दिनुभएको छ। विपक्षी दलहरुले उहाँको गिरफ्तारी राजनीतिक अभिप्रायले प्रभावित भएको बताएका छन्।

तर सत्तारुढ दल बिजेपीले भने यो विशुद्द भ्रष्टाचारविरुद्दको कदम भएको जनाएका छन्।