देशका केही स्थानमा भारी वर्षाको सम्भावना

काठमाडौं, श्रावण ०५: देशका धेरै स्थानहरुमा अहिले बर्षा भैरहेको छ । हिजोदेखिनै देशका अधिकाँश स्थानमा हल्का देखि मध्यम वर्षा भैरहेको हो । आज प्रदेश १, प्रदेश २, बागमती प्रदेश, गण्डकी  प्रदेशका केही स्थानहरुमा साथै  प्रदेश ५,  सुदुरपश्चिम प्रदेश र कर्णाली प्रदेशका केही स्थानमा  भारी वर्षाको  सम्भावना  रहेको जल तथा मौसम पूर्वानुमान महाशाखाले जनाएको छ । महाशाखाले भारी बर्षासंगै नदीमा पानीको बहाव बढ्ने, पहाडी क्षेत्रमा भू-क्षय हुने, पहिरो जाने, तराइमा डुबान समेत समेत हुन सक्ने भन्दै आवश्यक सतर्कता अपनाउन हुन अनुरोध गरेको छ । हाल देशभर मनसुनी वायुको प्रभाव रहेको र मनसूनी न्युन चापीय रेखा नेपाल तिर सरेकोले देशभर सामान्य देखि पुर्ण बदली रही धेरै स्थानहरुमा हल्का देखि मध्यम वर्षा भईरहेको हो ।।