रेडियो नेपालको कार्यकारी निर्देशकमा बुद्धिबहादुर केसी
पहिलो पटक रेडियोकै कर्मचारी बने कार्यकारी निर्देशक
काठमाडौँ- सरकारले रेडियो नेपालको कार्यकारी निर्देशकमा बुद्धिबहादुर केसीलाई नियुक्त गर्ने निर्णय गरेको छ ।
सोमबार बसेको मन्त्रिपरिषद् बैठकले केसीलाई रेडियो नेपालको कार्यकारी निर्देशकमा नियुक्त गर्ने निर्णय गरेको हो ।
खुला प्रतिस्पर्धामार्फत गरिएको छनोटबाट सञ्चार मन्त्रालयद्वारा सिफारिस गरिएका तीन जनामध्ये सरकारले केसीलाई नियुक्त गर्ने निर्णय गरेको हो । केसी रेडियो नेपालकै नायव कार्यकारी निर्देशक हुनुहुन्थ्यो ।
रेडियो नेपालको इतिहासमा कर्मचारीबाटै कार्यकारी निर्देशक नियुक्त भएको यो नै पहिलो पटक हो ।
प्रतिक्रिया राख्नुहोस्