फुर्सदको सदुपयोग गर्दा उद्यमी बनिन् सरस्वती अधिकारी ! (भिडियो सहित )

काठमाडौं- लामो समयसम्मको लकडाउनले धेरैको आयआर्जनमा नराम्रो असर पार्‍यो । सरकारीबाहेकका अधिकांश निजी क्षेत्रमा काम गर्नेहरुले यो अबधीको पारिश्रमिक पाएका छैनन । र पाएकाहरुले पनि पूरै पाएका छैनन ।

कतिपयले त रोजगारी गुमाएका छन । यो नेपालमा मात्र होइन विश्वव्यापी समस्या हो । हुनेको त गुम्यो भने हुँदै नभएकाहरुको हालत के होला ? यो आम प्रश्न सबैको अगाडि तेर्सिएको छ । तर समस्याले कुनै न कुनै उपायको खोजी गर्छ भन्ने उदाहरणहरु पनि हाम्रो समाजमा छन ।

यो अवधीलाई कामकाजी महिलाहरुले आम्दानी गर्ने समयको रुपमा सदुपयोग गरे भन्दा अचम्म लाग्न सक्छ । तर अचम्म मान्न पर्दैन । काठमाडौ लगायतका शहरी क्षेत्रका गृहणीहरुले घरमै सानो लगानीमै राम्रो आम्दानी गरिरहेका छन । यसको ज्वलन्त उदाहरण हुन- मनमैजूकी सरस्वती लोहनी अधिकारी ।

उनले आफ्नै घरको दुई वटा कोठामा संचालन गरेको अचार व्यवसाय अहिले राम्ररी फस्टाएको छ । उनी मात्र होइन वरपरका केही महिलाले सामान्य भनेपनि रोजगारी पाएका छन । उनको ४ जनाको परिवारलाई घर खर्च चलेको छ । उनी भन्छिन- यो लक डाउनको अबधीमा महिनाको ४०/५० हजार आम्दानी गरेँ । लगानी उति धेरै पनि परेको छैन । गुणस्तरीय उत्पादन गर्न सके बजार समेत राम्रो छ ।
बजारमा अहिले धेरै प्रकारका अचार पाइन्छ । अचारको प्रयोग हाम्रो भान्छामा कुनै न कुनै रुपमा हुने हुँदा यसको बजार पनि राम्रो रहेको महिला उद्यमीहरुको भनाइ छ । ठूला सुपर मार्केटमा गएर किन्न डराइरहेका महिलाहरुले सम्पर्कमा रहेर घरमै अचार किन्न आउने गरेको र उनी आँफै पनि सुरक्षाको उपाए अपनाएर अचार पुर्यााउन जाने गरेको सरस्वती बताउँछिन ।

घरेलु उत्पादन जस्तै काउली, गाजर, कागती, आँप, गोलभेँडा, अदूवा, लसुन, मेथी, टिमुर जस्ता कतिपय औषधीजन्य गुण भएका तरकारी र मसलाको मिश्रणलाई उमालेर (ब्वइलिङ सिस्टमबाट) यो अचार बनाउँदा स्वास्थ्यलाई पनि असर नपर्ने उनको दावी छ ।

घरेलु उत्पादन जस्तै काउली, गाजर, कागती, आँप, गोलभेँडा, अदूवा, लसुन, मेथी, टिमुर जस्ता कतिपय औषधीजन्य गुण भएका तरकारी र मसलाको मिश्रणलाई उमालेर (ब्वइलिङ सिस्टमबाट) यो अचार बनाउँदा स्वास्थ्यलाई पनि असर नपर्ने उनको दावी छ ।

नेपालमा मात्र होइन अमेरिका लगायतका देशमा बस्ने नेपालीहरुले पनि यसको स्वाद मनपराएकोले त्यतातिर निर्यात गर्ने उनको सोचाइ छ । उनी भन्छिन- “परिस्थिति सहज भएपछि विदेश अचार पठाएर उदाहरणीय काम गरेर देखाउने विचार छ ।”

घरेलु तथा साना उद्योग विभागमा  उनले  My Pickle House नामको कम्पनीबाट अचारको उत्पादन तथा विक्रि वितरण गर्दै आएकी छिन ।।