मुख्यमन्त्री विरुद्ध अविश्वास प्रस्ताव दर्ता गरेका ७ जना दलको बैठकमा अनुपस्थित

काठमाडौं- कर्णाली प्रदेशका मुख्यमन्त्री महेन्द्रबहादुर शाहीविरुद्ध अविश्वासको प्रस्ताव दर्ता गर्ने १८ जना मध्ये ७ जना अनुपस्थित भएपछि आज १ बजे बस्ने भनिएको नेकपाको संसदीय दलको बैठकमा कोरम पुगेन ।

अविश्वासको प्रस्तावमा सही गरेपनि ७ जनाले मुख्यमन्त्री शाहीसँग वार्ता गरी शाहीलाई नै समर्थन गर्ने जनाएपछि संसदीय दलमा कोरम नपुगेको हो ।

नेकपाको पूर्ण बहुमत रहेको कर्णाली प्रदेशको सरकार पुनर्गठन मात्रै हुने र हाललाई मुख्यमन्त्री नहट्ने संकेत प्राप्त भएको सुर्खेत स्थित हाम्रा समाचारदाताले जनाएका छन ।।