पर्वतमा हाइब्रिड धानमा कालोपोको नामक ढुसी र नेक ब्लास्ट रोगको प्रकोप
पर्वत– पर्वतमा हाइब्रिड धान खेतीमा कालोपोको नामक ढुसी र नेक ब्लास्ट रोगको प्रकोप देखिएको छ ।
पर्वत जिल्लाका विभिन्न स्थानका रोपिएको हजारौं रोपनी धानखेतमा कालोपोको प्रकोप देखिएको हो । उत्पादन राम्रो हुने भन्दै कृषकले लगाएको हाइब्रिड धानबालीमा रोग लागेपछि कृषक चिन्तामा परेका हुन् । कालोपोको रोगसँगै डढुवा, मरुवा र गँबारोले समेत धानबालीमा क्षति पुर्याएपछि कृषकहरु मारमा परेका छन् ।
पर्वतमा हाइब्रिड जातका धानका बीउ सिफारिस नगरिएको कृषि ज्ञान केन्द्र पर्वतले जनाएको छ । कृषि प्राविधिकले हाइब्रिड धान नलगाउन सुझाव दिंदादिंदै कृषकहरुले आफूखुसी गरेकाले पनि रोगको प्रकोप सहनु परेको कृषि ज्ञान केन्द्र पर्वतका प्रमुख बासुदेव रेग्मीको भनाइ छ ।
प्रतिक्रिया राख्नुहोस्