चितवनमा मोटरसाइकल चोरी गर्ने समुह नै पक्राउ

चितवन- चितवन प्रहरीले मोटरसाइकल चोरी गर्ने ७ जनालाई मोटरसाइकलसहित सार्वजनिक गरेको छ ।

मोटर साईकल चोरीको उजुरी परेपछि प्रहरीले सक्रियता बढाउँदा चोरीमा संलग्न र चोरीका मोटरसाइकल खरिद गर्नेलाई प्रहरीले पक्राउ गरी सार्वजनिक गरेको हो ।

भरतपुर महानगरपालिकास्थित भाटभटेनी सुपर मार्केट अगाडि, कटहर चोक, नहर चोक, पावरहाउस चोक, विक्रम मार्ग लगायत जिल्लाको विभिन्न स्थानबाट मोटरसाइकल चोरी भएको घटनाको अनुसन्धानका क्रममा उनीहरु पक्राउ परेका हुन् ।

पक्राउ पर्नेमा बारा जिल्ला करैयामाई–५ घर भई हाल चितवनको खैरहनी– ९ बस्ने वर्ष २८ का विजय चौधरी, भरतपुर ३ बस्ने वर्ष १९ का राकेश चौधरी, बारा कोल्हवी– ७ बस्ने वर्ष २४ का महेश चौधरी, भरतपुर ११ बस्ने वर्ष २६ का दिनेश गुरुङ र वर्ष २५ का मनोज दराई रहेका छन् ।

पक्राउ परेकामाथि थप अनुसन्धान भइरहेको जनाइएको छ । उनीहरुले बाइकको नम्बर फेरेर बिक्रि गरेका थिए ।

उनीहरुबाट प्रहरीले बजाज पल्सर २०० एनएस मोटरसाईकल, सेतो केटिएम (ड्युक) २०० सि.सि मोटरसाईकल, २२० सीसीको मोटरसाइकल बरामद गरेको छ ।

उनीहरुले मोटरसाइकलको पार्टपुर्जा खोलेरे बेचेको समेत भेटिएको छ । मोटरसाइकलको लक तोड्ने साँचो, साँचो बनाउने मेशिनसमेत बरामद भएको छ ।

प्रहरीले चोरीका मोटरसाइकल खरिद गर्ने २ जनालाई समेत नियन्त्रणमा लिएको छ ।

विभिन्न समयमा भाटभटेनी सुपर स्टोर अगाडि, कटहर चोक, नहरचोक, पावरहाउस चोक, बिक्रममार्ग लगायतका स्थानबाट मोटरसाइकल चोरी भएका घटनाको अनुसन्धानका क्रममा उनीहरुलाई पक्राउ गरिएको हो ।

पक्राउ परेका व्यक्तिहरुबाट मोटरसाइकल, चोरी गर्न प्रयोग गरिने औजारहरु समेत प्रहरीले बरामद गरिएको जनाएको छ ।

प्रहरीले ४ मोटरसाइकल वेवारिसे अवस्थामा फेला पारेको छ ।

२०० सिसि केटिएम ड्युक मोटरसाईकल, १५० सिसिको पल्सर मोटरसाइकल, १५० सिसि मोटरसाइकल, २२० सिसि को पल्सर मोटरसाइकल छन् ।

चोरी भएका मोटरसाइकलमा गण्डकी प्रदेश, बागमती प्रदेशका छन् ।

जिल्ला प्रहरी प्रमुख नान्तीराज गुरुङले मोटरसाइकल चोरी गर्ने गिरोहलाई पक्राउ गर्ने अभियानलाई तिव्र बनाइएको बताउनुभयो ।

उहाँले प्रविधिको उच्चतम प्रयोग गरी चोरी कार्यमा संलग्नलाई तत्कालै पक्राउ गर्न लागिपरेको बताउनुभयो ।।