करेन्ट लागेर भालुको मृत्यु

उदयपुर-  करेन्ट लागेर उदयपुरको कटारी नगरपालिका- २ स्थित चुरे जंगल क्षेत्रमा एउटा भालु मरेको छ ।

सिरहाको मिर्चैयाबाट कटारीतर्फको  विद्युत हाइ टेन्सन लाइन (११ हजार भोल्ट)मा करेन्ट लागेर भालुको मृत्यु भएको हो ।

चुरे पहाडको ढिस्को नजिकैबाट विस्तार भएको विद्युत लाइनमा करेन्ट लागेर भालु मरेको अवस्थामा भेटिएको डिभिजन वन कार्यालय त्रिवेणी कटारीका सहायक वन अधिकृत हिरालाल शर्माले जानकारी दिनु भयो ।

भालु मरेको स्थानमा केही समय पहिले पनि दुई जना मानिस करेन्ट लागेर मरेका थिए ।।