सुर्खेतका छाडा पशुहरु हुम्लामा पठाइयो
हुम्ला-कर्णाली प्रदेशको राजधानी विरेन्द्रनगरका सडक तथा बजार क्षेत्रमा रहेका छाडा पशुचौपायलाई हुम्ला पठाइएको छ ।
छाडा पशुचौपायको उचित व्यवस्थापन गर्न उच्च अदालत सुर्खेतले आदेश दिएपछि विरेन्द्रनगर नगरपालिकाले पहिलो चरणमा हुम्लाको एक कृषि फर्मलाई पशुचौपाय लैजान अनुमति दिएको हो ।
अदालतले बुधबार वlरेन्द्रनगर नगरपालिकालाई छाडा अवस्थामा रहेका पशुचौपाय तत्काल व्यवस्थापन गर्न आदेश दिएको थियो । वीरेन्द्रनगर नगरपालिकाले बिहिबारसम्म सडकमा छोडिएका पशुचौपाया लैजान सम्वन्धित पशुधनीलाई आग्रह गरेको हो ।
तर सार्वजनिक सूचना जारी गर्दासम्म कोही पनि लिन नआएपछि एक सय पशुचौपाय हुम्ला पठाइएको विरेन्द्रनगर नगरपालिकाका वातावरण तथा अनुगमन उपशाखाका प्रमुख यामलाल गिरीले जानकारी दिनुभयो ।
नगरपालिकाले पहिलो चरणमा कान्जिहाउसमा जम्मा गरिएका पशुचौपाय जम्मा गरेर हुम्लाको खार्पुनाथ गाउँपालिकामा पठाएको हो ।
खार्पुनाथ गाउँपालिकाको एउटा फर्मले पशुहरु उपलब्ध गराइदिन माग गरेको थियो।
विरेन्द्रनगरका सडकमा झण्डै पाँच सय पशुचौपाय रहेको नगरपालिकाले जनाएको छ । तिनीहरुको व्यवस्थापनको प्रक्रिया शुक्रबारदेखि शुरु भएको गिरीको भनाइ छ ।
यस अघि पनि यस्ता कामका लागि हुम्लाका विभिन्न गाउँपालिकाहरुका वडा अध्यक्षहरुबाट छाडा पशु हुम्लामा ल्याउनका लागि सिफारिश गर्ने गरिएको थियो ।
यस्तै खार्पुनाथ गाउँपालिका वडा नं ५ का वडा अध्यक्ष भीमबहादुर शाहीले स्थानीय दलीतहरुका लागि सिफारिश गरिएको स्वीकार गरेका छन् ।
उनले भने यसबाट हुम्लाका दलितहरुको आयस्तरमा वृद्धि हुने आशा गरिएको छ । उनीहरुले यस अघि पनि पटक पटक यस्तो काम गर्ने जानकारी दिएका छन् ।
उच्च अदालत विरेन्द्रनगर सुर्खेतले पनि यस्ता छाडा पशु चौपाय व्यवस्थापनलाई छिटो तह लगाउनका लागि आदेश पनि दिइसकेको छ । यसै आदेशलाई कार्यान्वयन गर्नका लागि विरेन्द्रनगर नगरपालिका सुर्खेतले पहिलो चरणमा हुम्लामा पठाउनका लागि एक सय छाडा पशु चौपायमा गाई धेरै छन ।।
प्रतिक्रिया राख्नुहोस्