असहाय बालबालिका कोषको सहयोग

रोल्पा- रोल्पाको त्रिवेणी गाउँपालिका-७ स्थित विद्यामन्दिर असहाय बालबालिका कोषले असहाय बालबालिकाहरुलाई विद्यालय पोशाक तथा शैक्षिक सामग्री वितरण गरेको छ ।

त्यहाँ रहेको गोबिन्द मावि दुम्ला र बिरेन्द्र मावि गाङमा अध्यययन गरिरहेका ४ जना असहाय बालबालिकाहरुलाई विद्यालय पोशाक, जुत्ता, मोजा र शैक्षिक सामग्रीहरु बितरण गरिएको कोषका सदस्य सचिव गंगा बुढाले जानकारी दिनुभयो ।

विभिन्न सहयोगी दाता र विद्यालयको कोषबाट हाल १ लाखको कोष स्थापना भएपनि यसलाई बढाउँदै लैजाने र भविष्यमा यसको क्षेत्र विस्तार गरिने असहाय कोषका संयोजक गिता कुमारी नेपालीले बताउनुभयो ।

एउटा प्राथमिक विद्यालयको नमूना कार्यबाट माध्यमिक विद्यालयका विद्यार्थीहरुलाई सहयोग प्रदान भएकोमा विद्यालयका प्रधानाध्यापक र विद्यालय व्यवस्थापन समितिका अध्यक्षहरुले कोष सञ्चालन गरेको विद्यालयलाई धन्यवाद दिनुभएको थियो ।।