क्रिकेटर सन्दिप देल्ली क्यापिटल्स टिमबाट बाहिरिए

काठमाडौं- आगामी संस्करणको इन्डियन प्रिमियर लिग आइपीएलको लागि नेपाली क्रिकेटर सन्दिप लामिछानेलाई देल्ली क्यापिटल्सले फुकुवा गरेको छ ।

सन्दिपसँगै देल्लीले ६ खेलाडीलाई फुकुवा गर्ने निर्णय गरेको हो । देल्लीले यस संस्करणको आपीएलमा लेख स्पीनर सन्दिप लामिछानेलाई कुनैपनि खेलमा मौका नदिइ बेन्चमै राखेको थियो । सन्दिप सन् २०१८ को अक्सनमा ३२ लाख नेपाली रुपैयाँमा देल्ली अनुबन्ध गरेको थियो ।

२०१८ मै सन्दिपले तीन खेलमा मौका पाउँदा पाँच विकेट लिएका थिए । सन् २०१९ को आइपीएलमा सन्दिपले ६ खेलमा मौका पाउँदा ८ विकेट लिएका थिए ।

यो सँगै अब सन्दिपलाई आगामी संस्करणका लागि अन्य टोलीबाट खेल्ने बाटो खुलेको छ । हाल सन्दिप अष्ट्रेलियामा जारी बिग ब्यास लिग क्रिकेट अन्तर्गत होवार्ट हेरिकेन्सबाट खेलिरहेका छन् ।-