विप्लव समूहका नेता वास्तोला रिहा
काभ्रे- नेत्रविक्रम चन्द विप्लव नेतृत्वको नेकपाका सचिवालय सदस्य धर्मेन्द्र बास्तोलालाई काभ्रे प्रहरीले रिहा गरेको छ ।
आज बास्तोला काभ्रे प्रहरीको हिरासतबाट मुक्त हुनुभएको हो ।
काभ्रे प्रहरी प्रमुख भुपेन्द्र खत्रीले आज बिहान बास्तोलालाई उहाँकी श्रीमती हिमा र ज्वाइँ गणेश भण्डारीको जिम्मा लगाएर रिहा गरिएको जानकारी दिनुभयो ।
यसअघि सर्वोच्च अदालतले बास्तोलालाई रिहा गर्न आदेश दिएपनि गेटबाटै पुनः पक्राउ गरी काभ्रे पुर्याइएको थियो ।
रिहाइ लगत्तै पत्रकारसँग कुरा गर्दै नेता बास्तोलाले राजनैतिक ढंगले समाधान गर्न खोजेकाले आफूहरु वार्ताप्रति सकारात्मक भएको बताउनुभयो ।
वास्तोलालाई ललितपुर जिल्लाको दक्षिण इलाकाबाट करिब डेढ महिना अघि पक्राउ गरिएको थियो । सर्वोच्च अदालयले रिहा गर्ने आदेश दिने वित्तिकै उहाँ पुनः पक्राउ पर्नुभएको थियो ।।
प्रतिक्रिया राख्नुहोस्