चितवनमा बन्दै गरेको पुल भत्कियो
चितवन- चितवनको ठिमुरा–देवघाट जोड्ने निर्माणाधीन पुल भत्किएको छ ।
भरतपुर–१ ठिमुरा र देवघाटको घिनाटार जोड्ने १० मिटर चौडाई भएको २०० मिटर लामो पुल आज बिहान करिब ४ बजेको समयमा भत्किएको हो ।
करिब २० करोडको लागतमा निर्माण भइरहेको उक्त पुलको यही असार मसान्तमा काम सकिने गरेर काम भइरहेको डिभिजन सडक कार्यालय चितवनका ईन्जिनियर शिव खनालले बताउनु भयो ।
२०७४ सालमा सपन्न गरिसक्नु यो पुल निर्माण कम्पनीले काम ढिलो गरेकाले अहिलेसम्म बन्न नसकेको ठिमुरा घिनाटार पक्की पुल निर्माण उपभोक्ता समितिका अध्यक्ष टंक पौडेलले बताउनुभयो ।
अहिले भने यो पुलको भौतिक प्रगति ७५ प्रतिशत पुगिसकेको अवस्थामा आज बिहान पुल भत्किएको उहाँले जानकारी दिनुभयो ।
के कारणले पुल भत्कियो भन्ने प्राबिधिकहरुको अध्ययनपछि पत्ता लाग्ने इन्जिनियर खनालले बताउनु भयो ।
पुलमा ४ वटा स्पान राखिँदै छन । तीन वटा कंक्रिटको छ भने नदीको बीचमा पर्ने गरी एउटा फलामको स्पान राखिने काम भइरहेको थियो ।।
प्रतिक्रिया राख्नुहोस्