अविरल वर्षाका कारण आएको पहिरोले घर पुरिँदा एकै परिवारका ३ जनाको मृत्यु
रोल्पा- अविरल वर्षाका कारण घरमाथिबाट आएको पहिरोले घर पुरिँदा रोल्पामा ३ जनाको मृत्यु भएको छ ।
गएराति साँढे १२ बजेतिर आएको पहिरोमा परी रोल्पा नगरपालिका–९ ह्वामाका टिकासिङ बुढाको घर पुरिँदा उनकी ८६ वर्षीया आमा करती बुढा, १८ वर्षीया बुहारी सुशीला बुढा र १५ वर्षीया छोरी श्यामकला बुढाको ज्यान गएको हो ।
सोही घरमा सुतिरहेका टिकासिङ सहित अन्य ३ जना भने सकुसल रहेको जिल्ला प्रहरी कार्यालय रोल्पाका इन्स्पेक्टर सन्तोष केसीले जानकारी दिनुभयो ।
विहानैदेखि टेलिफोनमा आएको समस्याका कारण थप विवरण आउन नसकेको र प्रहरी नायब उपरिक्षक नरेश सुवेदी नेतृत्वको टोली घटना स्थल पुग्नै लागेकाले थप विवरण आउन बाँकी रहेको पनि इन्स्पेक्टर केसीले बताउनुभयो ।।
प्रतिक्रिया राख्नुहोस्