संबैधानिक इजलासमा आज रिट निवेदक तर्फको बहस सकिँदै

काठमाडौं- प्रतिनिधिसभा विघटन सम्बन्धी मुद्दामा आज चौंथो दिनको सुनुवाई हुँदैछ । आज रिट, निवेदकका तर्फबाट बहस गर्ने कानून व्यवसायीको बहस सकिने छ ।

निवेदक तर्फका कानुन व्यवसायीको बहस सकिएपछि सरकार पक्षका कानुन ब्यवसायी र सरकारी वकिलले बहस सुरु गर्नेछन् ।

सभामुख अग्निप्रसाद सापकोटाका कानुन ब्यवसायीसहित सरकार पक्षका कानुन ब्यवसायीलाई बहसका लागि संवैधानिक इजलासले १५ घण्टा समय तोकेको छ ।

काँग्रेस सभापति शेर बहादुर देउवासहित १ सय ४६ जना सांसदको तर्फबाट असार १० मा बरिष्ठ अधिवक्ताहरू रमन कुमार श्रेष्ठ, हरिहर दाहाल, मिथिलेश कुमार सिंह, हरि उप्रेती, शेर बहादुर केसी, वोर्ण बहादुर कार्की, गान्धी पण्डित र खगेन्द्र अधिकारीले बहस गर्नुभएको थियो ।