स्पेनमा लगाएको लकडाउन असंवैधानिक भएको उच्च अदालतको घोषणा
स्पेनको उच्च अदालतले गत वर्ष कोरोना भाइरसको महामारीका कारण लगाएको कडा लकडाउन असंवैधानिक भएको घोषणा गरेको छ ।
लकडाउन उल्लंघन गरेका कारण मानिसहरुलाई लगाइएको जरिवाना फिर्ताका लागि पुनःदाबी गर्न सक्ने आधार अदालतको फैसलाले दिएको छ ।
तर लकडाउनका कारण पैसा गुमाएको भन्दै कुनै व्यक्ति वा कम्पनीले मुद्दा दायर गरेमा स्वीकार नगर्ने अदालतले जनाएको छ ।
स्पेनमा गत वर्ष पहिलो लहरको कोरोना भाइरसको संक्रमण नियन्त्रण गर्न संकटकाल घोषणा गरिएको थियो । तत्कालिन समयमा कोरोना भाइरसको संक्रमण र मृत्युदर उच्च गतिमा बढेको थियो ।
अस्पतालमा विरामीलाई उपचार गर्ने ठाउँ अभाव भइसकेका थियो । स्पेनमा कोरोना भाइरसको संक्रमणका कारण हालसम्म ८१ हजारभन्दा बढी मानिसको मृत्यु भइसकेको छ ।-
प्रतिक्रिया राख्नुहोस्