अमेरिकाबाट प्रतिमान-नीमा स्मृति प्रतिष्ठानले पठायो ८ करोड रुपयाँ बराबरको स्वास्थ्य सामाग्री

काठमाडौं- नेपालमा कोरोना नियन्त्रण, रोकथाम र उपचारका लागि प्रतिमान-नीमा स्मृति प्रतिष्ठानको पहलमा दोस्रो चरणको सहयोग सामाग्री नेपालआइपुगेको छ ।

अन्तराष्ट्रिय संस्थाहरु प्रोजेक्ट होप, एयर लिङ्क, फेलेक्स पोर्ट डट ओआरजी, हेनरी सेचिन केयरर्स, मेड शेयरको सहकार्यमा प्रतिष्ठानले यो साता चाटर्ड बिमानमार्फत दोस्रो चरणको सहयोग सामाग्री नेपाल भित्र्याएको हो ।

प्रतिष्ठानले पीपीई ग्राउनआईसोलेशन २० हजार थान, फेससिल्ड १९ हजार ४ सय ४० थान, माक्स ७० हजार थान, एन ९५ माक्स डिसपोजेवल १५ हजार थान भित्राएको छ ।

त्यस्तै डिजल थर्मामिटर १६० पिस, प्रोटेक्ट फेससिल्ड १५ हजार सात सय ५० थान, पिपिई कभर मिडियम २३ सय ४ थान, पिपिई कभरअललार्ज २३ सय ४ थान, ईमरजेन्सी रिलिफ वेड ३० थानपनिआइपुगेको छ भने डिसपोजेवल ग्लोवस् १४ लाखथान, केएन ९५ प्रोटेक्टिभ माक्स १ लाख २८ हजार थान गरीकरिव आठ करोडको स्वास्थ्य सामाग्री नेपाल ल्याइएको प्रतिष्ठानकी कार्यकारी निर्देशक स्वाती थापाले जानकारी दिइन् । यसअघि पनि साढे दुई करोड बराबरको स्वास्थ्य सहयोग गरिसकेकोउनको भनाइ छ ।

उनले कोरोनाको तेश्रो चरणको जोखिमलाई मध्यनजर गर्दै स्वास्थ्य सामाग्रील्याइएको बताइन् । नेपालल्याइएका स्वास्थ्य स्वास्थ्य सामाग्री नेपाल सरकारसंगको समन्वयनमा सातै प्रदेशमा वितरण गरिने थापाले जानकारी दिइन् ।

त्यस्तै प्रतिष्ठानका निर्देशकधर्म केसीले कोरोना रोकथाम र न्युनिकरणका लागिबिभिन्नप्रकारका स्वास्थ्य सामाग्री नेपालल्याइएको र उक्त सामाग्री स्वास्थ्यमन्त्रालयलाई हस्तान्तरण गरिने जानकारी दिए । मन्त्रालयको आपूर्ति तथाव्यवस्थापन महाशाखासँगको समन्वय र सहमतिमा मुलुककाआवश्यक स्थानमा बितरण गरिने उनको भनाइ छ ।

यसअघि पहिलो चरणमा दुई करोड ७० लाख बारावरको अक्सिजन कन्सनट्रेटर, अक्सिजन सिलिण्डर , मेडिकल टेन्ट , वाईप्याप मेसिन ,आइसीयू वेड, पीपीई, सेनिटाइजर लगायतका स्वास्थ्य सामाग्रीहरु बितरण गरेको थियो ।।