प्युठानमा चितुवाको छालासहित ३ जना पक्राउ

प्युठान- प्युठान नगरपालिका वडा नम्बर ८ बाग्दुलाबाट चितुवाको छालासहित ३ जना पक्राउ परेका छन ।

प्युठान जिल्लाको बाग्दुलास्थित एक होटलमा चितुवाको छालाको कारोबार भइरहेको छ भन्ने गोप्य सुचनाको आधारमा प्रहरीले बुधबार राति चितुवाको छालासहित ३ जनालाई पक्राउ गरेको हो ।

पक्राउ पर्नेमा प्युठान झिमरुक गा.पा १ बस्ने २९ बर्षीय अबिनास पुन ,सरुमारानी गा.पा १ बस्ने ३२ बर्षीय छबिलाल परियार र दाङको राजपुर गा.पा. १ बस्ने २८ बर्षीय ईन्द्रबहादुर खड्का रहेको जिल्ला प्रहरी कार्यालय प्युठानका प्रवक्ता प्रहरी निरिक्षक देबिप्रसाद गैरेले जानकारी दिनुभयो ।

पक्राउ परेका ब्याक्तिहरुको साथबाट ६ फिट ६ इन्च लामो एक थान चितुवाको छाला बरामद गरिएको छ । पक्राउ परेकाहरुलाई आबश्यक कारबाहीका लागि डिभिजन बन कार्यालय प्युठानमा बुझाइएको छ ।

लुम्बिनी प्रदेश अनुसन्धान टोली र ईलाका प्रहरी कार्यालय बिजुवारबाट खटिएको प्रहरी टोलीले उनिहरुलाई पक्राउ गरेको हो ।।