१० बुँदे सहमति कार्यान्वयन गर्ने एमालेको निर्णय, आगामी मंसिरमा महाधिवेशन
काठमाडौं- नेकपा एमालेले १० बुँदे सहमति कार्यान्वयन गर्ने निर्णय गरेको छ ।
स्थायी कमिटीको मंगलबार बसेको बैठकले आन्तरिक एकताका लागि दुई महिनाअघि भएको सहमति कार्यान्वयन गर्ने निर्णय गरेको प्रवक्ता प्रदीप ज्ञवालीले जानकारी दिनुभयो । बैठकमा माधवकुमार नेपाल समूहमा रहनुभएका असन्तुष्ट नेताहरु पनि सहभागी हुनुभएको थियो ।
एमालेले पार्टी संरचना २ जेठ २०७५ अगाडिको अवस्थामा क्रियाशील गर्ने निर्णय गरेको ज्ञवालीले बताउनुभयो । १० प्रतिशत केन्द्रीय सदस्य मनोनयन, विभागहरुको पूर्णता दिने लगायत प्रयोजनका निम्ति सात सदस्यीय कार्यदल बनाइएको छ ।
एमालेले आगामी मंसिर १०–१२ सम्म काठमाडौंमा १० औं महाधिवेशन गर्ने निर्णय गरेको छ । विधान महाधिवेशन भने असोज ४, ५ र ६ गते हुनेछ ।
प्रतिक्रिया राख्नुहोस्