भारत, अमेरिका र बेलायमा राजदूत सिफारिस

काठमाडौं– सरकारले भारत, अमेरिका र बेलायमा राजदूत सिफारिस गरेको छ ।

बिहीबार बसेको मन्त्रिपरिषद्को बैठकले तीन देशमा राजदूत सिफारिस गरेको सरकारका प्रवक्ता तथा सञ्चार तथा सूचना प्रविधिमन्त्री ज्ञानेन्द्रबहादुर कार्कीले जानकारी दिनुभयो।

कार्कीका अनुसार भारतमा डा। शंकर शर्मा, अमेरिकामा श्रीधर खत्री र बेलायतमा ज्ञानचन्द्र आचार्यलाई राजदूत सिफारिस गरिएको छ ।

बैठकले प्राकृति विपत् बाढीपहिरोमा परि मृत्यु भएका र बेपत्ता नागरिकका परिवारलाई दुई लाख दिने निर्णय भएको उहाँले जानकारी दिनुभयो ।

प्रधानसेनापति शर्मा भारत भ्रमणमा जानुहुने
नेपाली सेनाका प्रधानसेनापति प्रभुराम शर्मा कात्तिक २३ गते भारत भ्रमणमा जाने हुनुभएको छ । बिहीबार बसेको मन्त्रिपरिषद् बैठकले सेनापति शर्मालाई भारत भ्रमणमा जान स्वीकृत दिएको सरकारका मन्त्री कार्कीले जानकारी दिनुभयो ।

भारतले प्रदान गर्ने मानार्थ महारथीको सम्मान ग्रहण गर्न प्रधानसेनापति शर्मा यही कात्तिक २३ गते भारत जाने कार्यक्रम रहेको छ । उहाँ कात्तिक २६ गते स्वदेश फर्किनु हुनेछ ।

मन्त्रिपरिषदले उपरथी सरोजप्रताप राणालाई रथीमा बढुवा गर्ने निर्णय समेत गरेको छ ।

प्रतिक्रिया राख्नुहोस्

Back to top button

Adblock Detected

Please turn off the Ad Blocker to browse our secure website.