कांग्रेस महाधिवेशन : ४७४३ मध्ये ४६७९ मत खस्यो, मतगणनाको तयारी
काठमाडौं- नेपाली कांग्रेसको १४औँ महाधिवेशन अन्तर्गत नेतृत्व चयनका लागि मतदान सकिएको छ ।
कांग्रेसमा कुल ४ हजार ७ सय ४३ प्रतिनिधिमध्ये ४ हजार ६ सय ७९ मत खसेको छ । वरिष्ठ नेता रामचन्द्र पौडेलसहित ६४ महाधिवेशन प्रतिनिधिले मत हालेनन् ।
मतदान सकिएपछि सभापति पदको मतपेटिका मत गणनास्थलमा पुर्याइएको छ । सुरक्षाका लागि पाँच वटा सीसीटीभी जडान गरिएको छ ।
सभापति पदको मतगणना केही बेरमा सुरु हुने कांग्रेसको निर्वाचन समितिले जनाएको छ ।
सभापतिका तीन वटा मत पेटीका छन् । सभापतिको मत गणना सुरु भएको ३ घण्टामा परिणाम आउने निर्वाचन समितिले जनाएको छ ।
प्रतिक्रिया राख्नुहोस्