गृहमन्त्री खाँण रुपन्देही २ र ३ बाट सिफारिस

रुपन्देही- गृहमन्त्री एवं नेपाली काँग्रेसका प्रभावशाली नेता बालकृष्ण खाँण रुपन्देहीका दुई वटा निर्वाचन क्षेत्रबाट प्रतिनिधिसभा सदस्य पदको लागि उम्मेदवारमा सिफारिस हुनुभएको छ ।

रुपन्देही जिल्लाको क्षेत्र नम्बर २ र ३ बाट प्रतिनिधि सभा सदस्य पदको उम्मेदवारका लागि मन्त्री खाँणको नाम सिफारिस भएको नेपाली काँग्रेस रुपन्देहीले जनाएको छ ।

नेता खाँण ४ पटक सांसद, ३ पटक मन्त्री र १ पटक राज्यमन्त्री बनिसक्नु भएको छ ।

यसअघि ३ पटक प्रत्यक्ष र १ पटक समानुपातिक प्रणालीबाट प्रतिनिधि सभा र संबिधान सभा सदस्य बन्नु भएका मन्त्री खाँण ३ पटक पार्टीको केन्द्रीय सदस्य, नेपाल तरुण दलका पुर्व केन्द्रीय अध्यक्ष तथा नेपाल बिद्यार्थीका संघका पनि पुर्व केन्द्रीय अध्यक्ष हुनुहुन्छ ।।