निर्वाचनमा सबै नागरिकको सहभागिता अनिवार्य : गृहमन्त्री खाँण
रुपन्देही- गृहमन्त्री बालकृष्ण खाँणले आवधिक निर्वाचन योग्य र सक्षम जनप्रतिनिधि चयन गर्ने अवसर भएकोले निर्वाचनले लोकतन्त्र सुदृढ हुने बिश्वास ब्यक्त गर्नु भएको छ ।
आगामी मंसिर ४ गते सम्पन्न हुने आम निर्वाचनमा सबै नेपाली नागरिकको सहभागिता अपरिहार्य रहेको उल्लेख गर्दै गृहमन्त्री खाँणले सक्षम र लोकतन्त्र पक्षधर उम्मेदवारलाई मतदान गर्न सबैलाई आग्रह गर्नु भयो ।
रुपन्देहीको सिद्धार्थनगरमा आयोजित कार्यकर्ता भेलालाई सम्बोधन गर्दै मन्त्री खाँणले मुलुकमा बिद्यमान राजनैतिक अस्थिरता, बेरोजगारी, भूमिहिन सुकुम्बासी र नागरिकता लगाएतका समस्या समाधानका लागि लोकतान्त्रिक र स्थायी सरकार आवश्यक रहेको बताउनु भयो ।
मुलुकलाई आर्थिक बिकासको मार्गमा प्रबेश गराएर समस्त नेपालीको समृद्धिको सपना पुरा गर्न योग्य र सक्षम जनप्रतिनिधिको आवश्यकता रहेको चर्चा गर्दै रुपन्देहीलाई मुलुककै आर्थिक राजधानीका रुपमा बिकास गर्ने लक्ष रहेको बताउनु भयो ।
सरकारको महत्वाकांक्षी आयोजनाका रुपमा रहेको बुटवलस्थित मोतीपुर औद्योगिक क्षेत्रको काम यथाशिघ्र शुरुहुने जानकारी गराउदै मन्त्री खाँणले १ हजार भन्दा बढि उद्योग स्थापना गर्न सकिने सो औद्योगिक क्षेत्रको बिवाद छिट्टै स्थानीयको सहमतिमा समाधान गरिने समेत बताउनु भयो ।।
प्रतिक्रिया राख्नुहोस्