अमेरिकी राष्ट्रपति ट्रम्प र भारतीय प्रधानमन्त्री मोदीबीच भेटवार्ता

काठमाडौँ – अमेरिकी राष्ट्रपति डोनाल्ड ट्रम्प र भारतीय प्रधानमन्त्री नरेन्द्र मोदी बीच भेटवार्ता भएको छ ।

अमेरिका भ्रमणमा रहनु भएका मोदीको ह्वाइट हाउसमा भेटवार्ता भएको हो । दुबै नेताले आपसी भेटघाट र छलफलपछि संयुक्त पत्रकार सम्मेलनलाई सम्बोधन समेत गर्नुभयो ।

दुई नेताका बीच व्यापार, आप्रवासी लगायतका विषयमा छलफल भएको बताइएको छ । संयुक्त पत्रकार सम्मेलनमा ट्रम्पले दुई देशबीचको व्यापार घाटा कम गर्न थप अमेरिकी तेल र ग्यास आयात गर्न दिल्लीसँग सम्झौताको घोषणा गर्नुभयो ।

अमेरिकी राष्ट्रपति ट्रम्पले नयाँ अतिरिक्त करको योजनाको घोषणा गरेपछि अन्य मुलुकहरुले पनि पारस्परिक अतिरिक्त करको घोषणा गरेका छन् ।

ट्रम्पले आयात करको कुरा गर्दै आफ्ना सहयोगीहरू शत्रुहरू भन्दा खराब रहेको प्रतिक्रिया दिनुभएको छ । मोदीले अमेरिकामा अवैध रूपमा बसिरहेका भारतीय आप्रवासीहरूलाई फिर्ता लिन आफू तयार रहेको पनि त्यस बखत बताउनु भयो ।।