गोरखा चेम्बरले तेस्रो कृषि,पर्यटन तथा व्यापार मेला २०८२ गदै

गोरखा –  गोरखा चेम्बर अफ कमर्सले यसै वर्ष मेलाको आयोजना गर्ने भएको छ । ‘तेस्रो कृषि, पर्यटन तथा व्यापार प्रर्बधन मेला–२०८२’ नाम दिएको मेला सदरमुकामको खेलकुद मैदान हुने अध्यक्ष रामस्वरुप श्रेष्ठले बताउनु भयो।

मेला आउँदो पौष २५ गते देखी माघ ५ गतेसम्म सञ्चालनमा आउने छ । ११ दिनसम्म चल्ने मेलाले गोरखाको ऐतिहासिक, धार्मिक, सांस्कृतिक तथा पर्यटनको विकासमा टेवा पुग्ने विश्वास लिएको अध्यक्ष श्रेष्ठले जानकारी दिनु भयो  ।

उक्त मेलामा त्यस्ता खालका पर्यटकलाई भित्राएर पर्यटन प्रर्बधन तथा कृषि लगायत स्थानीय उत्पादन, व्यापार व्यवसायको प्रर्बधन गर्ने लक्ष्य चेम्बर अफ कमर्सले लिएको छ ।

कमर्सलाई मेला सञ्चालन कोलागि हिजो मात्रै गोरखा नगरपालिकाले स्वीकृति पत्र प्रदान गरेको गोरखा चेम्बर अफ कमर्सका महासचिव अशोक राना मगरले जानकारी दिए । मेला सञ्चालन कोलागि नगरपालिकालाई तिर्नुपर्ने राजश्व समेत प्रदान गरिसकिएको उहँले बताउनु भयो ।

यसभन्दा अगाडी २ पटकसम्म दशैको बेला मेला चलाएको गोरखा चेम्बर अफ कमर्सले यो पटक भने पौष महिनामा सञ्चालनको तयारी गरेको थियो।