विश्वकप लिग –२: नेपाल ३७ रनले विजयी

काठमाडौँ- आइसिसी क्रिकेट विश्वकप लिग –२ मा घरेलु टोली नेपाल ३७ रनले विजयी भएको छ । २०१ रनको लक्ष्य सहित जवाफि ब्याटीङ गरेको युएइ ४८ दशमलव २ ओभरमा अल आउट हुदै १६३ रनमा समेटियो ।

बलिङमा उत्कृष्ट प्रदर्शन गरेका करण केसीले १९ रन खर्चेर ४ विकेट लिए । त्यसैगरी सोमपाल कामी र सन्दिप लामिछानेले समान २/२ विकेट लिए । यसअघि टस हारेर ब्याटिङ गरेको नेपालले उपकप्तान दिपेन्द्र सिंह ऐरीको अर्धशतकमा ४८.२ ओभरमा १० विकेट गुमाउँदै २०० रन बनाएको थियो ।

नेपालका लागी उपकप्तान दीपेन्द्रसिंह ऐरीले ७५ रनको अर्धशतकीय इनिङ खेले । ओपनर कुशल भुर्तेलले २४ रन जोडे । यूएईका अजय कुमार र जुनैद सिद्धिकीले ३/३ विकेट लिए । तालिकामा घरेलु टोली १४ अंकका साथ सातौँ स्थानमा छ ।

पराजित युएई भने १० अंक सहित ८ औ स्थानमा छ । नेपालले २१ खेल खेल्दा ६ जित र १३ हार व्यहोरेको छ । अव लिग-२ मा नेपालले यहि १६ गते ओमान विरुद्ध खेल्नेछ ।

यसैगरी बैशाख १८ गते युएईविरुद्ध दोस्रो खेल खेल्दा बैशाख २२ गते ओमानविरुद्ध पनि दोस्रो खेल खेल्नेछ । लिग चरणका खेल सकिए पछि शीर्ष दुई टोलीबीच उपाधिका लागि फाइनल हुनेछ ।।