पूर्वी नवलपरासीमा खोलाले बगाएर दुईजना बेपत्ता

पूर्वी नवलपरासी- पूर्वी नवलपरासीमा खोलाले बगाएर दुईजना बेपत्ता भएका छन । बौदीकाली गाउँपालिका १ खारा घर भएका ४८ वर्षका बिशाल कार्की र मध्यविन्दु नगरपालिका ४ मदनपुर घर भएका ३५ वर्षिय सुर्य परियार खोलाले बगाएर बेपत्ता भएको जिल्ला प्रहरी कार्यालय नवलपुरले जनाएको छ ।
कार्कीलाई मेला जाने क्रममा बौदीखोलाले आज मध्यान्न पौने १ बजेको समयमा बगाएको हो । परियारलाई भने स्थानीय उल्टी खोला तर्ने क्रममा मध्यान्न १२ वजे खोलाले बगाएको जिल्ला प्रहरी कार्यालयका सूचना अधिकारी एवं प्रहरी नायव उपरिक्षक बेद बहादुर पौडेलले जानकारी दिनुभयो ।
बेपत्ता भएका हरुको इलाका प्रहरी कार्यालय डेडगाउ र कोल्हुवा प्रहरी चौकीबाट खटिएको टोलीले खोजतलास सुरु गरेको प्रहरीले जनाएको छ ।।