देशैभर मानव सेवा आश्रमको रक्तदान कार्यक्रम

गोरखा- मानव सेवा आश्रम मुख्य कार्यालय हेटौँडाको १२ औँ बार्षिक उत्सवको अवसरमा रक्तदान कार्यक्रम गरिएको छ ।

देशभरका सात प्रदेशको १८ जिल्लामा  आज भएको रक्तदान कार्यक्रममा ३ सय ६२ जनाले रक्तदान गरेका थिए ।

काठमाडौँमा २८, भक्तपुरमा २१, ललितपुरमा ३०, लमजुङमा २०, सर्लाहीमा ३२, हेटौँडामा २७, गोरखामा २५ जनाले रक्तदान गरेका छन् ।

त्यस्तै विरगञ्जमा २०, जनकुपरमा २६, धनगढीमा १६, विरानटनगरमा ३०, झापामा ३२, कास्कीमा ३२, वाग्लुङमा १६, रुपन्देहीमा २३, नेपालगंजमा ३३, दाङमा १४ र सुर्खेतमा ११ जनाले रक्तदान गरेको मानव सेवा आश्रमले जनाएको छ ।

सम्बन्धित जिल्लाको रेडक्रस सोसाइटीसँग समन्वय गरी कार्यक्रम गरिएको हो ।

देशभर फैलिएको डेंगुको संक्रमण भएका विरामीलाई लक्षित गरी रक्तदान कार्यक्रम गरिएको जनाइएको छ ।।