नेपाल र भुटान खेल्दै (को-को छन् नेपाली टोलीमा?)

काठमाडौँ- काठमाडौँमा भइरहेको साफ महिला फुटबल च्याम्पियनसिपमा आज नेपाल र भुटानबीच प्रतिश्पर्धा हुँदैछ ।

प्रतियोगिताको दोस्रो दिन आज घरेलु टोली नेपालले केहीबेरमा भुटानको सामना गर्न लागेको हो ।

यो खेल अबको केहीबेरमा त्रिपुरेश्वस्थित दशरथ रंगशालामा शुरु हुनेछ ।

नेपाली टोली एन्जिला तुम्बापो सुब्बाको कप्तानीमा मैदानमा उत्रँदैछ । नेपाली टोलीमा पूजा राना, अमृता जैसी, हिराकुमारी भुजेल, रेनुका नगरकोटी, सरु लिम्बू, रश्मीकुमारी घिसिङ, गिता राना, प्रिति राई, सबिता रानामगर र अमिसा कार्की रहेका छन ।

च्याम्पियनशीप अन्तर्गत आज दिउँसो नेपालकै समूहको भएको पहिलो खेलमा श्रीलंकाले विजयी सुरुआत गरेको छ।

आज भएको समूह बी को पहिलो खेलमा श्रीलंकाले माल्दिभ्सलाई १-० ले पराजित गर्दै पहलो जित दर्ता गराएको हो ।

श्रीलंकाको लागि इमिशा अनुराधिनीले गरेको गोल नै निर्णायक बन्यो।

जितसँगै श्रीलंकाले महत्त्वपूर्ण तीन अंक जोडेको छ।

हिजो उद्घाटन खेलमा पाकिस्तानलाई हराउँदै भारत विजयी भएको थियो ।।