रामेछापको सिमलडाँडामा भएको जीप दुर्घटनामा ५ जनाको मृत्यु

काठमाडौँ- रामेछापको गोकुलगंगा गाउँपालिका वडा नं ६ सिमलडाँडामा भएको दुर्घटनामा ५ जनाको मृत्यु भएको छ ।

काठमाडौंबाट रामेछाप जाँदै गरेको गाडी दुर्घटना हुँदा ५ जनाको घटनास्थलमै मृत्यु भएको हो ।

प्रहरीका अनुसार गाडी सडकबाट करिव ३ सय मिटर तल खसेको छ । मृत्यु हुनेमा २ जना पुरुष, २ जना महिला र एक जना बच्चा रहेको प्रहरीले जनाएको छ । मृतकहरूको सनाखत हुन बाँकी छ ।