एनपीएलको पहिलो खेलमा जनकपुर बोल्ट्स ८ विकेटले विजयी

काठमाडौँ- नेपाल प्रिमियर लिग (एनपीएल)को पहिलो खेलमा जनकपुर बोल्ट्स ८ विकेटले विजयी भएको छ । आज भएको पहिलो खेलमा विराटनगर किंग्सले दिएको १२८ रनको लक्ष्य जनकपुर बोल्ट्सले १५.३ ओभरमै पुरा गरी जीत हासिल गरेको हो ।

जनकपुर बोल्ट्सका लागि विदेशी खेलाडी लाहिरु मिलन्थाले अर्धशतक पारी खेले । उनले ५३ बल खेल्दै नौ चौका र तीन छक्काको मद्दतमा ७५ रन बनाए । यस्तै विदेशी खेलाडी हर्ष थाकेरले अविजित रहँदै २९ रन जोडे । यस क्रममा उनले ३३ बल खेल्दै दुई चौका प्रहार गरे । कप्तान अनिलकुमार साहले पाँच रनको योगदान दिए । आशिफ शेख शून्य रनमै पवेलियन फर्किए ।