एनपीएलः लिग चरणको अन्तिम खेलमा आज सुदुरपश्चिम र कर्णाली भिड्दै

काठमाडौं- नेपाल प्रिमियर लिग (एनपिएल) को लिग चरणको अन्तिम खेल आज सुदूरपश्चिम रोयाल्स र कर्णाली याक्स बीच हुँदैछ । लिगको २८ औँ खेल आज त्रिबि खेलमैदानमा बिहान सवा ९ बजे शुरु हुनेछ ।

छ खेलमा पाँच खेल जितेर १० अंकसहित सुदूरपश्चिम तालिकाको शीर्ष स्थानमा रहेको छ भने छ खेलमा चार खेल जितेको कर्णाली याक्स प्लेअफमा जान आज खेल्दैछ ।

हालसम्मको अवस्थामा कर्णाली याक्स रन रेटका आधारमा प्लेअफमा पुग्ने देखिन्छ । तर आजको खेलमा पराजित भएमा रनरेटकै आधारमा कर्णाली प्लेअफमा पुग्ने कि नपुग्ने निर्णय हुनेछ ।

तालिकामा सात खेल खेलिसकेका चितवन राइनोज र काठमाडौँ गुर्खाज आठ अंक सहित क्रमशः तेस्रो र पाँचौ स्थानमा छन् । चितवनको रनरेट ०.६३४ रन छ भने काठमाडौँको माइनस ०.३२१ छ । कर्णालीले प्लेअफमा जानका लागि आज आफ्नो रनरेट बचाउन आवश्यक छ ।