नेकपा सचिवालय बैठक बस्दै

काठमाडौ- नेकपा सचिवालयको बैठक आज बस्दै छ ।   पार्टी अध्यक्षहरुको सहमतिमा महासचिव बिष्णु पौडेलले बैठक बस्ने जानकारी दिनु भएको हो ।

बैठकमा पार्टीमा पछिल्लो समयमा विकसित परिस्थितिका बारेमा छलफल हुने जानकारी नेताहरुले दिनु भएको छ ।

यसअघि पार्टी अध्यक्ष पुष्पकमल दाहाल प्रचण्ड लगायत ५ जना सचिवालय सदस्यले सहमतिमा बैठक राख्न अर्का अध्यक्ष प्रधानमन्त्री केपी शर्मा ओली समक्ष लिखित आग्रह गर्नु भएको थियो ।

बैठकमा पछिल्लो समय देखिएको पार्टीभित्रको आन्तरिक विबाद कसरी समाधान गर्ने भन्ने विषयमा पनि छलफल हुनेछ ।

नेकपामा पार्टी एकिकरणको काम पुरा गर्ने सम्बन्धमा र सरकार संचालनको विषयलाई लिएर बेला बेलामा नेतृत्वबीच विवाद उत्पन्न हुने गरेको छ ।।