पर्यटकको रोजाई देउपुजी ढुङ्गो  

यस ठाउँको बिकासका लागी पालिकाले ६ लाख विनियोजन गरेर मन्दिर,पदमार्ग र घेरा वार गरेको छ । परापूर्व काल देखिनै गाईको थुन वाट दूध आउने भनाई अहिलेपनि देख्न सकिन्छ । झट्ट हेर्दा कपाल आकारमा देखिने यो ढुङ्गा दर्शनका लागी वालिङ,भिर कोट,पेल्काचौर लगाएका ठाउँबाट भक्तजन आउने गर्दछन् । हिउँदको समयमा वनभोज र मनोरञ्जन लिनका लागी समेत पर्यटक पुग्ने गर्दछन् । यहाँबाट तनहुँ,पर्वत,पाल्पा लगायतका धेरै जिल्ला अवलोकन समेत गर्न सकिन्छ । बाला चतुदर्सीको दिन सदवी छर्ने चलन समेत रहेको छ ।  यहाँको मुख्य विशेषता भन्नु नै हिउँद बर्खा सदाबहार ढुङ्गा वाट पानी रसाई रहनु र लामो खडेरी परेमा यही ठाउँमा आएर पानी मागे  वर्षा हुने जनविश्वास रहेको छ ।

स्थानीय क्षेत्रमा बिषेशगरी आर्थिक समृद्धि बनाउनका लागी पर्यटककै प्रमुख भुमिका रहने भएकाले पालीकाले यहाँसम्म पुग्ने पूर्वाधार निमार्ण गरेको हो । आन्तरिक पर्यटक मात्र नभई बाह्य पर्यटकहरुका लागी उचित व्यवस्थापन पालीकाले गर्न सक्ने हो भने देउपुजी ढुङ्गा हेर्ने जानेको घुईचो दिनानुदिन बढ्ने देखिन्छ ।