कफीको दाना बिक्री गरेर ५ लाखसम्म आम्दानी

धादिङ- धादिङका किसानहरुले कफीको दाना (चेरी)बाट राम्रो आम्दानी गर्न थालेका छन ।

यहाँ एउटा किसानको परिवारले पाँच लाखसम्मको कफी विक्री गरेको किसानहरु बताउँछन् ।

नगदे बालीको रुपमा पाखो र भिरालो तथा बाँझो जमिनमा गरिएको कफी खेतीबाट किसानहरु अहिले विस्तारै आत्मनिर्भर समेत बन्दै जान थालेको छन् ।

परिक्षणको रुपमा ३-४ वर्ष अघिदेखि सुरु गरिएको कफी खेतीबाट राम्रो आम्दानी लिन थालेपछि जिल्लाका किसानहरुले अब ब्यवसायिक रुपमा समेत कफी लगाउन थालेका छन् ।

सरकारले समेत किसानहरुलाइ कफी खेतीका लागि प्रोत्साहित गरेको छ , तर किसानहरुले भने आफुहरुले उत्पादन गरेको चेरी प्रशोधन गरी खान योग्य बनाई बजारमा लगेर विक्रि गर्नका लागि सहयोग गर्नुपर्ने माग गरेका छन् ।

प्रति किलो कफी अहिले एक हजार दुई सयमा विक्रि हुने गरेको किसानहरुको भनाइ छ ।

उत्तरी धादिङको खनियाँबास गाउँपालिकामा कफी र अलैँचीको पकेट क्षेत्र विस्तार गर्न समेत सुरु भएको गरिएको कृषि विकास कार्यालय धादिङले जनाएको छ ।।