झापा-४ बाट रास्वपाका शम्भुप्रसाद ढकाल विजयी

काठमाडौँ- प्रतिनिधिसभा सदस्य निर्वाचनमा झापा ४ मा राष्ट्रिय स्वतन्त्र पार्टी (रास्वपा)का शम्भुप्रसाद ढकाल विजयी हुनुभएको छ । उहाँले ४३ हजार ६३१ मत प्राप्त गरी विजयी हुनुभएको हो ।

उहाँका निकटतम प्रतिस्पर्धी नेपाल कम्युनिष्ट पार्टी (एमाले)का लालप्रसाद साँवा लिम्बूले ११ हजार ९१६ मत प्राप्त गर्नुभयो ।

२०३२ साल मंसिर २ गते झापामा जन्मिनु भएका ढकालको यो पहिलो संसदीय यात्रा हो ।

राजनीति शात्रमा स्नातकोत्तर गर्नु भएका ढकालको नेपाल प्रहरीमा २२ वर्ष सेवा गरेको अनुभव छ ।

सामाजिक अभियानकर्ता तथा “खाना नफालौँ” अभियानका प्रवर्तक योग प्रशिक्षक तथा अनुशासित तथा स्वस्थ जीवनशैलीका प्रेरकको रुपमा पनि उहाँ चिनिनुहुन्छ ।।