दाउन्ने सडक खण्डमा बस दुर्घटना, ३ जनाको मृत्यु, १५ जना घाईते

पूर्व-पश्चिम राजमार्गको दाउन्ने सडक खण्डमा बस दुर्घटना हुँदा ३ जनाको मृत्यु भएको छ भने १५ जना घाईते भएका छन । पूर्ववाट पश्चिमतर्फ आउँदै गरेको ट्रकले सोही दिशातर्फ आउँदै गरेको बस र सोही दिशातर्फ आउँदै गरेको पिकअप भ्यानलाई ठक्कर दिदाँ बस करिव सय मिटर तल खसेको जिल्ला प्रहरी कार्यालय पश्चिम नवलपरासीले जनाएको छ ।

बस दुर्घटनामा परि घाईते भएका बसमा सवार यात्रुहरुमध्ये केहिको लुम्बिीनी सिटी अस्पताल बुटवलमा उपचार भैरहेको छ भने केहिको स्थानिय चिसापानी अस्पतालमा उपचार भैरहेको जिल्ला प्रहरी कार्यालय पश्चिम नवलपरासीले जनाएको छ । मृत्यु भएकाहरुको शव जिल्ला अस्पताल परासी सदरमुकाममा राखिएको छ ।

यात्रुबाहक बस काठमाणडौंबाट रोल्पाका लागि हिँडेको जनाइएको छ । यसैबीच विपि राजमार्गमा रोशी खोलाले बगाएर एक जनाको मृत्यु भएको छ ।